Ако често чувствувате замор, вртоглавица, безволност и слабост, голема е веројатноста дека немате доволно железо во крвта.

Железото е минерал кој е од витално значење за многу телесни функции. Тој го поддржува транспортот на кислород во крвта и помага за правилен развој и за функционирање на клетките.

Кои се симптомите на недостиг од железо?

Овие симптоми укажуваат на ниско железо во вашата крв:

• чувство на замор, безволност и слабост,
• вртоглавица,
• главоболки,
• чувствителност на промена на температурата,
• студени раце и/или нозе,
• отежнато дишење и останување без здив,
• болка во градите,
• слаба меморија и концентрација,
• намалено либидо (сексуален нагон),
• срцеви палпитации,
• синдром на немирни нозе.

Дополнително, постојат неколку физички знаци на недостиг од железо на кои треба да се внимава, како што се:

• кршливи нокти,
• пукнатини на страничните делови на устата,
• губење на косата,
• воспаление на јазикот,
• абнормално бледа или жолта кожа.

Што предизвикува недостиг од железо?

Причина 1: недостиг од храна богата со железо

Железото се среќава во различни видови храна, вклучувајќи риба, џигер, спанаќ, житарки, грав, лиснат зелен зеленчук итн.

Ниското ниво на железо е само потврда дека храната богата со железо не е дел од вашето дневно мени.

Препорачаните дневни потреби на железо се следниве:

• мажи (19+) – 8 mg дневно;
• жени (19+) – 18 mg дневно;
• бремени жени – 27 mg дневно;
• доилки – 9 до 10 mg дневно;
• деца (1-10 години) – 7 до 10 mg дневно.

Причина 2: намалена апсорпција на железо

Некои медицински состојби и лекови може да го спречат телото правилно да го апсорбира железото, дури и кога некое лице јаде храна богата со железо.

Состојбите кои можат да предизвикаат проблеми со апсорпцијата на железо вклучуваат:

• цревни и дигестивни состојби (воспалителна болест на цревата);
• инфекција со паразити (анкилостомата);
• гастроинтестинална хирургија (гастрична бајпас-операција);
• ретки генетски мутации.

Два начина како да го зголемите нивото на железо во крвта

Начин 1: консумирајте храна богата со железо

Еве кои намирници ќе ви помогнат да го зголемите нивото на железо во крвта:

• мешунки: грашок, леќа, грав, тофу и темпе;
  • леб и житарки: интегрален леб, збогатен бел леб, ’ржан леб, житарки со трици и житарки со пченица;
  • зеленчук: спанаќ, брокула, грав, темнолиснат зеленчук, компири, зелка, бриселско зелје и домати;
  • протеини: говедско месо, телешко месо, живина, јајца, црн дроб, риба, школки;
  • овошје: смокви, урми, сушени кајсии и суво грозје.

Ако сте веган или вегетаријанец, консумирајте леб и житарки збогатени со железо, грав, тофу, сушено овошје, темнолиснато зеленило итн.

Начин 2: вклучете додатоци на железо во исхраната 

Во просек треба да поминат 3 до 6 недели за додатоците на железо да ги надоместат потребните резерви на железо во вашето тело.

Доколку има потреба, вашиот лекар може да препорача земање додатоци на железо најмалку 6 месеци, за телото да може целосно да ги надомести резервите на железо.

За да дознаете повеќе кои се придобивките од ФЕРОЗОМАЛ: 

https://zdravjebezrecept.mk/brand/ferozomal/