Вежбањето е еден од најдобрите начини за здрав и активен живот. Но дали некогаш си размислувал/а дека вежбањето е само половина од работата?

🤔

Другата половина е твојот начин на исхрана. 🍕

Еве едно сосема погрешно размислување:

❌ Ако сакаш да намалиш килограми, не треба да јадеш по вежбањето бидејќи џабе си вежбал/а.

Замисли дека твоето тело по вежбање е како сунѓер. Сѐ што консумираш директно ќе се одрази врз крајниот резултат.

Без разлика дали вежбаш за да ослабнеш или за да си го обликуваш телото, по вежбањето организмот има зголемена потреба од витамини и минерали.

Кои витамини и минерали му се најпотребни на организмот по вежбањето?

По секој тренинг телото бара начини како да се опорави, како да ги релаксира напнатите мускули и како да ги исполни батериите за подоцна повторно да стапи во акција. 🚀

Консумирањето на следниве витамини и минерали ќе го забрза тој процес:

Витамин Ц

✅ Ја подобрува мускулната сила

Со земањето витамин Ц твоето тело е способно да го поправи оштетувањето на мускулните влакна предизвикано од вежбањето.

✅ Го намалува оксидативниот стрес

Комбинирањето на витамините Ц и Е помага за намалување на оксидативниот стрес, кој, инаку, може да те доведе до хроничен замор и до воспаление.

✅ Ги заздравува ткивата

Сите твои мускули се поврзани со сврзното ткиво, кое, главно, се состои од колаген.

Земањето витамин Ц заедно со други аминокиселини помага во формирањето колаген, кој придонесува за заздравување на ткивата.

✅ Го ублажува воспалението на мускулите

Напорот за време на тренингот може да доведе до воспаление и да ти предизвика болки во мускулите, попречувајќи ја твојата рутина за вежбање.

За да не дојде до тоа, дополни го недостигот со витамин Ц и со витамин Е, за кои е докажано дека ги намалуваат воспалението и болките во мускулите.

✅ Го намалува кортизолот

Долгиот тренинг го зголемува лачењето на кортизолот. Зголеменото ниво на кортизол може да предизвика распаѓање на мускулите.

Витаминот Ц може значително да помогне во намалувањето на кортизолот по тренингот.

Која храна е богата со витамин Ц? 🍓

• Портокал
• Јагоди
• Цитрон
• Брокула
• Магданос
• Домат
• Карфиол

Витамин Б₁₂

✅ Го регулира функционирањето на централниот нервен и кардиоваскуларен систем.

✅ Го подобрува расположението.

✅ Го регулира нивото на енергија.

✅ Ја регулира работата на срцето.

✅ Помага при варењето на храната.

🐟 Која храна е богата со витамин Б₁₂?

• Месо (пилешко, свинско, телешко)
• Риба (лосос, сардина, пастрмка, туна)
• Тофу

Витамин Д

✅ Го подобува функционирањето на имуниот систем.

✅ Ги зајакнува коските.

✅ Помага за правилна функција на мускулите.

🍄 Која храна е богата со витамин Д?

• Риба (сардини, харинга и лосос)
• Црн дроб
• Жолчки од јајца
• Печурки
• Спанаќ
• Бел грав

Цинк

✅ Го претвора протеинот во мускулна маса.

✅ Помага во заздравувањето на раните на кожата.

✅ Помага во одржувањето здрав имунолошки и одбранбен систем.

🥦 Која храна е богата со цинк?

• Месо
• Семки од тиква, сончоглед, сусам, ленено семе
• Јаткасти плодови
• Грашок
• Спанаќ
• Грав
• Брокула
• Печурки

Селен

✅ Има антиоксидативно дејство во организмот.

✅ Го неутрализира дејството на вирусите.

✅ Ја подобрува состојбата на црниот дроб.

✅ Помага во намалувањето на воспалителните реакции на телото.

🥛Која храна е богата со селен?

• Пилешко месо
• Свинско месо
• Бразилски ореви
• Јајца
• Кафеав ориз
• Грав
• Млеко
• Јогурт
• Банани