Само што купивте нови меки контактни леќи? За разлика од очилата, меките контактни леќи бараат поинаков пристап и одржување. Можеби ќе ви биде потребно некое време за да се навикнете на нив, но потоа нема да можете без нив. Во оваа статија ќе се фокусираме на два многу важни аспекти во носењето на меките контактни леќи: ставањето и хигиената.

Прв пат користите леќи? Без грижи. Ставањето меки контактни леќи во очите е многу поедноставно од што мислите. Освен тоа, со текот на времето ќе ја усовршите техниката. Праксата води до совршенство, а тоа важи и за леќите. Ајде да преминеме на главното.

На што треба да внимавате додека ги ставате меките контактни леќи?

Измијте ги рацете! Важно е да го направите тоа уште пред да го отворите кутичето за чување на контактните леќи. Со миење на рацете се отстрануваат голем број бактерии кои се собираат на кожата, а важно е да се отстранат пред да ги допрете леќите. Проверете дали се леќите свртени наопаку! Леќата мора да изгледа како сад со рамни рабови и само тогаш е подготвена за користење. Додека ги ставате леќите, со едната рака држете ги отворени горниот и долниот капак за да не трепкате. Истовремено со другата рака полека извадете ја леќата од кутичето и ставете ја во окото. Последниот чекор е правилно местење на леќата во окото. Едноставно, нели? Истите чекори е потребно да се преземат и кога ги вадите меките леќи од очите.

Како се чистат меките контактни леќи?

Вреди да се напомене дека меките контактни леќи мора да ги исчистите со повеќенаменски раствор за леќи секојпат кога ќе завршите со нивна употреба, непосредно пред ставањето во кутичето и пред одењето в кревет. Миењето на рацете и во овој случај е задолжително, како и сушењето со чист пешкир. Веднаш по вадењето на леќите од кутичето, исчистете ги со помош на неколку капки раствор. Леќата ставете ја на дланката на едната рака, а со показалецот на другата рака нежно тријте ја неколку секунди за да ја исчистите со помош на растворот. На крајот, откако ќе ги исчистите леќите, наполнете ја кутијата со свеж раствор и оставете ги во растворот најмалку 6 часа, по можност преку ноќ. Важно е да ги следите овие чекори за да ги одржувате вашите леќи чисти и дезинфицирани во секое време.

Растворите кои содржат натриум хијалуронат, го подобруваат навлажнувањето на леќите и ја зголемуваат подносливоста на носењето на леќите благодарение на вискоеластичните својства на хијалуронската киселина. Растворот ги хидрира леќите, па така, носењето леќи е поудобно, а иритацијата и сувоста на очите се намалуваат.